وهاذي قصتي يومني مطربة >>ياويلكم تضحكون

:D امصعوا السلك الله لايهينكم
بعد ان فقدت الامل في ان اكون لاعبه(بس مافقدته نهائيا في امل ولو بعد حين)
قررت اني اشتهر في اي مجال اهم شي اشتهر
مشتهيه يلاحقوني الصحافه والبس نظاره واتوزى ووراي البودي قارد حقيني الدببه يطقون هاللي يلاحقوني من الملقف ويقبصون اذيناتهم لين معاد يتعودونها
واذا جو يصوروني اوزي وجهي وخشيشتي المصونه (الله العالم من الي يترزز عند الكميرات لو تشوف هندي بيصور ارتزت وراه كودها تطلع معه ورازتن اصبعينها محلمه انها فلسطينيه في مظاهره)
وودي بعد اطلع في التلفزيون والجرايد والمجلات عشان اذا طلعت لمكان يشرون علي البزارين ويلاحقوني وودهم يصورون معي عاد انا اقول لالا معليه سوري مشغوله وانا ميته من الشفقه على هالصوره
والا يلاحقوني اوقع لهم وانا مااعطيهم وجه واقول بلييييييز وقت ثاني الحين انا مررررره بيزي<<<<<<<<خخخخخخخخخ تدرون ليه ماتعطيهم وجه عشانها ماتعرف الا تبصم
الله وناسه ويعلقون صوري على الجدران بغرفهم والا على الدرايش للي ماعندهم ستاير
ويصير عندي سواق خاص البسه بدله سنعه مو ترينقات سواقنا المشقق نصفها
اللللللللااااااااه ويفتح لي الباب اذا جيت اركب ثمن يصكه <<والا عندتس نيه تمشون وهو مفتوح؟
وطبعا سيارتي تصير ذيك الطويله الي تتعب لين تشوف اخرها
وابي بوسطها مطبخ بطباخته بعد
وابي فيها بعد ملعب صغينون لي ولربعي
وابي فيها مسبح لزوم المطافش بالحر
وابي فيها امممممممممم<<<<<<ضعيفه بقووووووووة :1:
وناااسه ويسوون لي مؤتمر صحفي واحط رجل على رجل واااااااااااااااااو<<<تحسب الرجل على رجل للمتمدنين فقط
من جد وناسه
واهم شي اني بلبس نظارات شمسيه سنعه
موب حقت بو ريالين الملونه
واذكر يوم اني مشهوره قبل الاعتزال يعني
<<<<<بدينا بالنخبدزه
هذا الله يسلمني ويحفظني ويرزقني الرجل الاطخم
كنت مره اطافش بهالمغطس(البانيو للمدمدنين)وماخذتن راحتي بالغنا
ومجتهده اغني ويالييييييييل وياعييييييييني
وكل المهبل كلهم لا فرق الله شملهم
وكلولولوولولييييييييييييييييييييييييييش
ومدهره وخاشه جو ومنيب حول احد
ومادريت الا الدنيا حولي تخترش:
وهالي يهبد على باب حمامي
وجججججججججججججججعه انا حاجزه الحمام اول ولو تفطسوووووووون ماطلعت يلللللله
ماش موب ذا طق اخواني
اخواني اذا طقوا تخرق ايدينهم البيبان
ذا طق ناس طبيعيين
اييييييييه قلعتهم منيب طالعه لين اقضى من وصلتي الغنائيه<<<<خخخخخخ
ويوم قضيت واستانست وطلعت هالي في خاطري وفجرت مواهبي واطلقت ابداعاتي وفقعت اذان اهل بيتي
طلعت والا هاللي يستقبلوني وهم يبحوني بعيونهم <<<تسذا
قلت هها خير عسى ماشر من انتم ووش تبون؟؟؟ <<<<<الله من كرم الضيافه الي عندتس
وش دخلتس بعدين كرم الضيافه ذا عند العرب انا عروقي ايطاليه
<<<<<<<ايه بس انثبري لايجينا زود
آآآآآآآآآآآآآآآء طيب
والا اطالع لهاك الرجال والحريم الي يخترشون عندي
هييييييييييييييييئئ
ويخزيااااااااااه
وبسرعه رحت وتسبعت عبيتي عن هالرجاجيل مايستحون ماتنحنحوا قبل يدخلون
قلت خير هها وش تبون؟؟
الا وينقز بحلقي ذاك الشايب المعرعر وسلم علي وقال انا استاز سيمون اسمر من لبنان ومهتم بتطوير المواهب الشابه المبتدئه واحنا جايين لعندك هون من شان ناخزك لعنا ونطور مواهبك الصوتيه لانك حتكوني في المستئبل مطربه عزيمه (خخ عزيمه عشا والا غدا<<خابرين ماصله) على هالصوت الرائع
وبليز بدنا اياكي تقنعي الوالد انك تسافري معنا للبنان من شان نئدمك لستديو الفن
انا
ثمن
بعدين
اها والله ودي بس معليه اسمح لي قبل امس كان ريكي مارتن عندي وترجاني اني اجي معهم ووعدته وخبرك انا عند وعدي وبعدين هم وعودوني بفله في نيويورك وفيها مسبح وملعب صغير :D <<<هذا كله وهي حاطه رجل على رجل بالعبايه طبعا وحاطه ثلاث اصابع على خدها وتطق برجلها على الارض
احنا كمان بدنا نساوي لك الي بدك اياه بس بشرط تجي معانا للبنان
<<<<<<
ونااااااااااااااسه
هذا تقدير الفن موب اهلي الله يهديهم يصمخوني باقرب بياله عندهم
انا مبدئيا موافقه بس هااااااااه بشرط
لو تطيرون وتوقعون منيب فاصخه عباتي بغني فيها ماعلي منكم<<<<<ليه مهنا شكلن يواجه؟؟
لا ياخبلا حرام اغني عند هالرجاجيل وانا فاتشه هذا سفور<<<<<والا حلال انها تغني بعباتها تحمدوا الله
وشرطن ثاني مااخطي خطوه الا بابيي واميمتي وجدي <<<<والسواق ضعيف الله خذيه لاتطقه الشرهه
وشرطن ثالث متى مابغيت اغني غنيت موب تنقزوني بانصاف الليالي وتبوني احيي حفلات لالا ماعندي هالخرط متى مابغيت اغني غنيت<<<<<يالضعيفه من قالتس انتس بتحيين حفلات الثقه ذابحتس اشوف
ووافقوا على شروطي بعد ماحامت تسبدهم مني
واحزم عفشي انا واهلي الي ماوافقوا لين قلت لهم بتجون معي وجهزوا قبلي من الفرحه
ونروح للمطار وحنا مستانسييين وطووول الطريق اغني وابوي لايعه تسبده ووده يخبطني على علباي بس مايقدر الحين انا موهوبه والا اتهمته بانه مايقدر الفن
ويحطوني في الدرجه الاولى ولاول مره <<<<<فعلا حسيت اني مهمه مع اني كان ودي جنب الطيار بس يله العمش ولا العمى
وينطلون اهلي بالسياحيه نياااااهاااااهاااااااي
ويوم ارتحت على كرسيي واشوى ابوي موب جنبي واقعد امارس هوايتي المفضله اتفرج على خلق الله
هو صدز والا انا واهمه
الا صدز وناااااااااااااااسه
هذا نواف التمياط واااااااااو
بس شيوديه لبنان لايكون بس بيغني معي بعد يوووووة ماابي انافسه اخاف يزعل علي ان غلبته<<<<قلنا لكم ضعيفه
واشوى الكرسي الي جنبه فاظي ومادرى الا بهالي طمرت وحطزت جنبه
هو تروع وكني شفته يورد على عمره بعد وقام يطالعني وهو يتنافض
اظنه كان يحسبني نصراويه
واسلم عليه واهلي به واقول هذي الساعه المباركه يوم شفناك وترى البيت بيتك خذ راحتك ولاتستحي وان كانك مشتهي شي قلي اجيبه تبي مويه شكلك الا تبي ياااااااااحرررررمه انتي جيبي مويه لنواف <<<<<لعبت الدور لدرجه انها تخيلت ان الطياره لها
هذا كله ونواف فاقن خشته وطايره بوهته
من انتي؟
هو ماتعرفني؟؟؟ انا المطربه الشهيره انامل ماتشوف البوماتي ماليه السوق ماقد شفت صوري على الجدران ماعندك سالفه شكلك ماعندك خبره بالوسط الفني<<<<<<بعدي حطت روحها مطربه شهيره بعد ايه اجل شزوده هو بس الي مشهور حتى هي
قال والله معليه اسمحي لي انا مااسمع اغاني<<<<ياحبي له
قلت والله حتى انا مااسمع بعد
هو درى اني منيب يم جاده وكرشني
قال روحي لاهلتس الله يستر عليتس فيني النوم
قلت معصي (مع الاعتذار للاخ معصي لاستخدام اسمه)منيب متحركه ليييين نوصل ويمكن نجي نسكن حولك بعد <<<<عادي نشبه
حسيت انه وده ينقز من الطياره من حومه التسبد
وانا ناااااااشبه ماعلي من احد
عاد تذهنت ان لي كرامه وانه تلطم وخمد وصفطني ورجعت لمكاني اجز ذيول الفشيله
عاد تذكرت اني بصير اشهر منه واستاسع صدري ونسيت السالفه ;)
ويوم وقعت الطياره واجي بنزل والا
الله يفشلهم اهلي قاعدين بقشانهم عند الباب وفارشين بساط بعد ماقبلوا ارض الطياره من زود الموقه ويتقهوون
طيب على الاقل نادوني معكم
وبالموت نزلوا جايزتن لهم القعده وشرهيين على اهل الطياره ليه يجدعونهم بالسياحيه لانهم مثلي ودهم جنب الطيار
ويوم نزلنا ويبدون جدي وابوي بالمطالع وفقه الخشه لين صرنا انا واميمتي نمشي على اثر سعابيلهم هاللي تقطر
شافوا شي مابعد شافوه
وتشيش اميمتي هالشايب العايب موب يستحي وش تطالع تراهم شيون بس الله يخلي المكياج والله اني املح منهم
اقول اها بس مناك حطي طين موب بس مكياج وصيري مثلهم ثمن احتسي
ياحرام امي تحطمت ماتعودت الا على الديرمه والكحل وهالفرقه الي تقطر دهن وهالجدايل الي تهفهف (اما تهفهف)وعند روحها انها ولا سيندي كروفرد زمانها
ونوصل للفندق وابوي وجدي ماودهم
ومن دخلنا وهم حاسين بغمته وودهم يطلعون يشمون هوى
المهم قلعتهم انا وراي مشااااااغل وبزنس
ويلقطوني سيمون وربعه واسحب اهلي معي ويطيرون بس لاستديو الفن
ويوم دخلت وانا الي افتش نقابي بشوف وش ذا الزحمه
يااااااوجه الله ياكثر هالملقف كثرااااااااه
وقعدوني انا واهلي معهم وقالو انثبري لين يجي دورتس
ويااستديوهم ذا مليان مفاصيخ ياخزياه بس وين اهلهم عنهم
مايشخفهم البرد عمى يعميهم
انا وهو علي ثلاث فنايل علاق وقميص وعبات تغمت القلب مغير اتنافض من البرد<<<<<ماتعودت الا على مراوح
والمهم وينادون اسمي
نيـــــــــــــــــــــــــــــــكول
وين نيكول بنت مناحي

وارفع كراعي عفوا اقصد اناملي واقول انا هنا هنا هنا طالع فيذا ورى
واحتريهم يصفقون ماحولي احد
يمكن منقهرين مني صح اخبر المشهورين وش كثر الاعداء لهم
وي عاد عسى مايغتالوني من الحره
عاد انا غميظه والله
واروح وارقى على المسرح واسوي نفسي واااااااااثقه ومادريت الا وانا درررررررردب على خشيشتي
فشييييييييييييله
بس ماعليكم اعجبكم ذهينه
قمت بحركه سريعه ولفيت على رجل وحده واقعد ادور على هالرجل مستعينه بزنوبتي المرنه واومي بيدي على بالي ارقص اجنبي
شرايكم بتصريفتي؟؟
ويوم تواسيت واطالع والا نوال الزغبي تطالعني وعيونها نصها دموع من الحره وخايفتن اني ااخذ مكانها ويشحتونها ولعاد احدن يسمع اشرطتها
اييه خبركم اذا حظر الماء بطل التيمم وموب بس هي نص هالشيف حاظرين بيشوفون وش ذا الصوت العذب الي بيصك عليهم
عاد حرام اقطع ارزاقهم
ايه بصرهم خذوا الي يكفييهم
والمهم قالوا يله اخت نيكول اتحفينا
طشري علينا من ابداعتك
واقف كما الجبل الشامخ وارز عنقي وابدا اتطيول وابدا اخز بنص عين الي يطالعوني وامي تشر بيدها وتقول يله يابنيتي سمعيهم واناظرها بطرف عين واقول وش تبي ذي؟؟ ;)
واقعد لي ساعه الا ربع اتنحنح
وساعتين اتواسا واحك بحلقي
وربع ساعه اعدل هندامي<<<<<<اكتشفت ان عباتها مقلوبه
وابدا.......
يااااااااااااااااااحمااااااااااااااااااااااامن على الغضا ينوووووووووووووووحي
لالا ذي قديمه حتى جدي معاد يقولها
هياهيا نحو المسجد هياهيا سبح واعبد
لالا ذي حتى البزارين راحت موظتها عندهم
وجعه وش اقول؟؟؟
باباهنا هنا هو ئوله ميييين
لالا ذي ماحفظت نص حتسيها اخاف اتفشل
ايييييييييييييييييييييييه لقيييييتهاااااااااااا
FHGDYRGF YEEEEEEEEEEEEH HJDGFUYRE WOOOOOOOOW
YEEEEEEEE YEEEEEEEEEE YEEEEEEE
ALA WARA AAAAAAASHOOOO SRA SRA SRA
YEEEEEBEEEEE YAAAAAAAAH WOOOOOOOOW
ان فهمتوا كلمه صطروني :get-12-2007-ion7376
والله واموق عليهم بهالاغنيه الي الفتها في التو واللحظه
واقعد اتلوى بخاطري اني الحين ارقص اجنبي واني صكيت على بريتني وبعد مااطلع بالقاها متعلقه بطرف عبيتي تحبحب رجيلاتي اني اخلي الفن عشان مايطيح كرتها
بس هين والله لاذلها والعب بحسبتها
وبينما انا متحمسه في الرقص واثناء ادهاري وحماسي ماوعيت الي بذيك الطماطه الي في جبهتي
والله وبدت العالم ترجمني بكل مقاضي بيتهم
هييييييييه وين قاعدين بالجمرات استحوا انا مطربه شهيره ترى بهون معاد انيب مغنيه
محدن لقاني وجه وكلن قام يرجمني واطالع الا نواف معهم ومعه جحتن كبر قريح وابا زنه ودرررردب على رويسي (شكله حاقد من يوم الطياره)
بيني وبينكم استشطت غضبا <<<شرايكم فيها؟
خير هذا جزاي اوسع صدورهم واطربهم
ونواف بعد آآآآآآآآآه ميب الهقوة
من زين صوته هو وخشته يحلفون انه كنه تيس ممصوعتن رقبته: <<<<<<توه يصير كنه تيس؟؟؟ ;)
واجي باستغيث باهلي والقى جدي وابوي منحاشين وناطلين اميمتي لحالها وهي من زود الحره ربطت عباتها على خصرها ورقت فوق الطاوله ودلت ترجمني معهم خانوني اقرب النااااااس تهئ تهئ تهئ:
وتطقني النفاظه وابدى اتعبر ثمن تطور الموضوع وبديت اجاغر بااعلى صوتي واصيح حرااااااااااام:
تحطططططمت
وحسيت اني دخت من الصدمه وبيغمى علي
<<<<<<<<عاد اغمائها غير خلق الله يعني مافي امل احد يقرب حولها والا يشيلها بيخلونها تطحس بمكانها لين تقوم
وقمت اصارخ
لااااااا غناااااااء بعد اليوووووووووم
فليسقط الاستعماااااااااااااااااااااااااااار
عاش بوحميد<<<<<
وماوعيت بروحي الا وانا مشتطه ارافس بكراعيني في كريشه ابوي وهو يلسبني بعقاله قووووومي قااااامه هبلتينا الله لايربحتس
:شسالفه وين سيمون اسمر؟؟؟
: اقول قومي وسمي بالله ايه من كثر القعده على التلفزيون تراها ميب زينه هي الي تجيب الكوابيس <<<<اي تلفزيون ياحظي قصدك غصب واحد واثنين
المهم اشوى انه حلم وه
اجل يالله حسيبي عليه نواف يرجمني معهم
ياااازين والله الغنا بحمامي والمطافش بهالمغطس ياااااربي لاتخلينا
ياااااالله لك الحمد وع الله لايحدنا لهالمفاصيخ
ومن عقب ذا الكابوس وانا اغني بشويش مالي خلق طلبات واحياء حفلات وغثا زمان <<<<<<<<للحين مااستوعبت انه حلم
وكما اقول دائما وابدا ومن دواعي سروري وبديع حرماني تقبلوا خالص مصالتي ودعواتي
وتوته توته خلصت النخبودزه
اتــــــــــــــــمنى اعجبتكم
تحياااااااااااااااااااااااااااااااتي
(نيكول )

هههههههههههههههههههههههههههههه :h040:

هههههههههههههههههههههههه

انتي وذا العبايه:raspberry: هههههه حسيتك امطوعه مع رجال الهيئه:sweatdrop: خخخخ

ولا الاغنيه الجنبيه مارا اعجبتني :eviltongue:

بحفظها للبزارين الي عندنا بالبيت :domiah:تستاهلين الاوسكار عشانه كح كح لاتصدقين

همن تجين تطالبيني بعدينا :ang1:

ههههههههههههههههههههه

اجل حلمتي انك مشهوره وصارة فيكي ذا الفعايل :dizzy:

ان شاءالله مارا ثانيه تحلمين انك برنسيسه :29:

ونشوف وش تسوين بالعالم

اتوقع توقعاتي يعني من بعد ذا

العالم كله بيختر تحت يمينك :7rah:ياسمو الاميره

احلام اخرى سعيده

تشآو :flowar:


:kiss2:

هههههههههههههههههههههههههههههههههههههههههههههههههه هههههه


بعيد عن الخبال اللي قلتيه بس ابداااع

شكلك راح تغطين علي

<<<واثق الخطى يمشي ملكاً

ههههههههههههههههههههههههههه