 |
| فعاليات المنتدى | ||||
   |
||||
| أهلا وسهلا بك إلى منتديات بيتك هنا ©~. | |||||
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
|
||||||
| ● دواوين الشعراء ~ مخصص لدواوين الشعراء |
 |
|
|
LinkBack | أدوات الموضوع | انواع عرض الموضوع |
منذ /12-27-2009, 03:46 PM
|
#1 (permalink) | ||||||||||
|
ديوان الشاعر (( عبدالرحمن الرويس ))
السلام عليكم ورحمة الله بركااته صبآحكم : مسآئكم وروود الكوون عبدالرحمن الرويس شاعر يتمتع بشفافيه لامتناهيه بابياته وكتاباته شاعر تمكن من صياغة اروع الاحاسيس بابيات سلسه تصل للقلوب بشكل مباشر معه سنحلق بسماء الشعر والاحساس فاهلا بك شاعرنا """"""""""""""""""""""""""""""""""""" ارسل رساله مابي سوى شي واحد منك يالغالي أرسل رسالة وطمنـّي عن أحوالك ماتدري إني أضيق وينشغل بالي لاغبت عني زمن أو غاب مرسالك ومن كثر ماشوف طيفك دايم قبالي ومن كثر ماني أحبك وأعشق وصالك : ماعاد باقي رسالة وسط جوالي إلا هي الحين موجودة في جوالك أشتاق لك وأنت ماتشتاق لوصالي عاجبك يعني يموت الحب بإهمالك جرّب ولو يوم وأسألني عن احوالي حتى ولو كنت أنا ماجيت في بالك شف كيف ابفرح وأبقهر كل عذالي شف كيف يحيي سؤالك عاشقاً هالك ياكثر ماشلت هم غيابك لحالي شل هم خفـّاق شال همومك وشالك قلبي من العام لاداله ولاسالي صبحه أبد مافرق عن ليله الحالك معقول مالي مكان فـ قلبك الخالي والنوم يحرم لعيني وأنت يهنالك ؟ وأنا اللي أذكرك في حلـّي وترحالي وانا اللي أشعل شموعي وآتحرى لك ولاعاد باقي رسالة وسط جوالي إلا هي الحين موجودة في جوالك """"""""""""""""""""""""""""""""""" جربت احب جربّت أحب انسان ثاني على شان أثبت لك إني أقـدر أحـب ثانـي لفيّت هالدنيا أدوّر علـى انسـان لو كل هالعالـم جفـوا ماجفانـي يسهر عشان الحب وأصير سهران لامن في يوم احتجت له قال كاني لاغبت عنه أيام رديّـت ولهـان وإن غاب له يومين بالشوق جاني أبيـه مايكـذب ولاهـو بخـوّان واحد إلى منّـه هوانـي هوانـي لفيّت هالدنيـا ولا شفـت خـلان شفت البشر نوعين قاسي وأنانـي عادي تشوف الظلم فعيون الأخوان عادي تمدّ العون وتصيـر جانـي اللي جهل فالدين كاسيه الإيمـان واللي يعرف الدين يسمع أغانـي عادي يجيك إنسان محتاج لإحسان وتصدّ عنه وتـدري إنّـه يعانـي هذا زمنّا غير عن كـل الأزمـان ماعاد فيه أحباب قاصـي ودانـي ومادام قلبي صار موطن للأحزان وشلون ابفرح والحزن مانسانـي """"""""""""""""""""""""""""""""" اخطفك جيتك وانا في نيتّـي إنـي أخطفـك لنّي بسافر 00 بس مقـدر بدونـك روحي معي لو كان عقلـك يخالفـك خلّـي اهلـك وحارتـك يفقدونـك بنروح ديـرة مابهـا حـدّ يعرفـك أنتي وأنا فـي رحلـةً مـع عيونـك أسهر معك وأنام وأصحـى وألحّفـك واقوم اطالع فـي وصوفـك ولونـك سبحان من صوّرك 00 ماأقدر أوصفك مـلاك نـازل والعـرب يحسدونـك حبيبتـي ّ لبّـى حكيـك وشفايفـك لبّى دلعـك ولبّـى حتـى طعونـك ماني مسافر قبـل ماكـون شايفـك وآخذك في قلبي واسافـر واصونـك روحـي معـي ولاّ ترانـي ابخطفـك روحـي معـي ولاّ ترانـي بخـونـك """"""""""""""""""""""""""""" والله انك بطل ... وش بتخسر لو تردّ المراسيـل كيف حالك وأنا مانيب حولك ؟ هي دموعك تجف وترجع تسيل هو غيابك ب صمت آخر حلولك في غيابك تعبت آحـط وآشيـل صعب فرقاك والأصعب وصولك جيتك أمشي بليل بـلا قناديـل مامعي غير خوفي من ذبولـك ألمح الغيـم وآجـرّ المواويـل وأسأل الليل عن لحظة حلولـك قـدّ ماغـرّق الدمـع المناديـل قدّ مااجدبت واشتقـت لهطولـك يمكن أحيـا فالأيـام المقابيـل ويمكن آموت لو غيري ينولـك والله إنك بطل وأتقنـت تمثيـل وأكثر جروح قلبـي صفقّولـك """"""""""""""""""""""""""""لاتبخلوا علينا بقصائد الشاعربانتظاركم لدعم الموضوعتحياتي للجميع ..
|
||||||||||
|
|
منذ /12-28-2009, 07:09 AM
|
#2 (permalink) | ||||||||||
|
رد: ديوان الشاعر (( عبدالرحمن الرويس ))
عبدالرحمن الرويس ماسمعت عنه
يمكن ماله الشهرة الكافية أو يمكن ماأخذ حقه في الأعلام بس قصدتين من اللي عرضتيهن أعجبني اللي هي أخطفك والله انك بطل واذا لقيت للشاعر جديد راح أسدحه هنا نزف تسلم الأيادي على الطرح الرائع واصلي أبداعك منتظرين جديد طروحاتك تقبلي مروري تحياتي لك لي باك هنا قريب
|
||||||||||
|
|
|
منذ /01-09-2010, 12:02 AM
|
#3 (permalink) | ||||||||||
|
|
رد: ديوان الشاعر (( عبدالرحمن الرويس ))
بـــأكـ مع قصائد جديده لشاعر الاحساس (( عبدالرحمن الرويس )) . . . تركتيني رمااد أحس إني رماد بلا حضن نار وبقايا نار تلاعبه الهبايب واستدار مضيّع دروبه حسبتك لي وطن من قال لك إني حسبتك دار وجيت بقلبً أبيض كان عشقك أول ذنوبه عشقتك قبل أفكّر أعشقك ماجيت لك مختار مع إن الحب صعب فنظرتي بس أصعب التوبة رحلتي وانطفى شمع وذبل ورد وبقت أعذار وقف قلب الحياة وعذرك إن فرقاك مكتوبة وانا اللي ماخذيت من الحياة إلا الصبر تذكار وانا ماخذت منك إلا الحكي لو كلّه عذوبة رحلتي بس دقيّتي بوسط الذاكرة مسمار محال أطرد ورى لحظة فرح مع أي رعبوبة تركتيني أجاوب قلبي اللي يسألك وش صار ظروفك هي سبب غيبتك ! لا..منتي بمغصوبة قتلك الشك ! طيّب ليه مني تاخذين الثار ؟ تبين فراق ! طيّب ليه ماقلتي يامحبوبة بلاش من الهوى دام الهوى تلعب به الأقدار بلاش من الوفاء دام الوفاء في عينك اكذوبة وانا لأجلك تحريّت السحاب وصرت لك أشجار عشان إن هزّك البرد أنكسر لك نار مشبوبة تركتيني رماد بلا حضن نار وبقايا نار تلاعبه الهبايب واستدار مضيّع دروبه . . . وحشتـني الكلمة اللي ماتجـي مسموعـه ( وحشتني ) وتقولها بميوعـه تقول أحبك بس أحـب أخونـك وأقول حبَّيني أنـا ومجموعـه بس المهم إني أنا أسمع صوتك لاتقطعيـن الصـوت يالدلوعـه صوتك يشتَّتني قبـل يجمعنـي اليا سمعه القلب ضمّ ضلوعـه من انقطع صوتك وأنـا أتنهَّـد وأصبحت أجاهد عبرتي واللوعه ياللي فقدتـك وانقطـع جوالـك عاشقك وش بتفيد كثر دموعـه مانيب باكي بس مانـي ساكـت بأنشر وصوفك في كذا مطبوعـه وأروح وأنشر في دول أوروبـا وأقول شقرا والجسم مربوعـه تسمع لأبو نورة محمـد عبـده وتحفظ لستَّ الكل كم مقطوعـه وأسلوبها تطغى عليـه الحكمـة ولاهيـب لاتتبـع ولا متبوعـه وان جت بتضحك تضحك بعفوية وياشين أهل الضحكة المصنوعه فقدتهـا تكفـون لاشفتـوهـا قولوا حبيبك ماهتنى باسبوعـه سواح يبحث عنك بيـن العالـم إلين صار اسمه في كم موسوعه من يوم غبتي صار عقله غايب وشانت طبوعه بعد زين طبوعه حاول يشوفك بس كيف يشوفك وأكثر طرق أهل الهوى ممنوعه حبيبتي.. ترى السفر والجفـوة ماهي طريقة فالهوى مشروعـه ما قلت لك يامبعدة عن عينـي لاتقطعيـن الصـوت يالدلوعة وان كان في قلبك حبايب غيري خلاص حبيّـني أنـا ومجموعـه . . . ذكرياتك احس انها رشاي ليت شعري حكي مايلفت أنظار كان ماجيتني معجب يا غاوي تحتك الماء وأنا في قلبي النار وأنت تلعب وأنا ماعدت قاوي احسب إنك تحبّ بجدّ وتغار واثرك تحب ضيقات الهواوي دايم تغيب عنّي وأخلق أعذار وأنت تجرح وآحسب إنك تداوي لاتعوّد بجرح وتكشف أسرار لاتخيّب ليا جيت الهقاوي ولاتخلّي ليا من غبت تذكار ذكرياتك إحس إنها رشاوي خافقي غصن يومك كنت الأمطار ليه صرت الجفاف وصار ذاوي ؟ كل يوم آتحرّى عنك الأخبار بس ماجاء خبر يسعد شقاوي ليتك تمرّني فالحلم مشوار وليت حزني وحزنك بالتساوي وليت شعري حكي مايلفت أنظار كان ماجيتني معجب يا غاوي . . لي باك قريب
|
||||||||||
|
|
|
منذ /01-24-2010, 05:32 PM
|
#4 (permalink) | ||||||||||
|
|
رد: ديوان الشاعر (( عبدالرحمن الرويس ))
يااارب الموضوع يلاقي تفااعل من باقي الاعضاء بجد وينكم ..؟ بااكـ وقصائد جديده لعبدالرحمن الرويس 8 7 8 7 8 من حسها كل المخاليق عارف طفلة وكـن العمـر عيّـا لاتكبـر من وصلـت 20 والعمـر واقـف هي تختلف وأحلى من ألفين منظـر نظامها بتصيـر مشهـور خالـف أنا أبيض البشرة وفي جنبها أسمر من حسنها كل المخاليـق عـارف حلوة ودلوعـة وإذا جـت بتسهـر يصير بين الشمـع كلـه تحالـف البيج والبني والأصفـر والأحمـر يشعل لياليهـا حنيـن وعواطـف طفلة تحب الشعـر ويحبهـا أكثـر تبي تسجّل فـي شظايـا ياعاطـف وأنا عضو عادي ولو كنت الأشهـر لي مع كبار أعضاء شظايا مواقـف صريح وأسولف بلا قيـد وأخسـر بعض البشر .. يخرب ابوها سوالف على العموم إن كان به شي يذكـر فأنا صريح وياالغـلا جـداً آسـف ودي أساعد بس من جـد مااقـدر مانيب لاعاطـف ولانيـب عارف 8 7 8 7 8 جربت احب جربّت أحب انسان ثاني على شان أثبت لك إني أقـدر أحـب ثانـي لفيّت هالدنيا أدوّر علـى انسـان لو كل هالعالـم جفـوا ماجفانـي يسهر عشان الحب وأصير سهران لامن في يوم احتجت له قال كاني لاغبت عنه أيام رديّـت ولهـان وإن غاب له يومين بالشوق جاني أبيـه مايكـذب ولاهـو بخـوّان واحد إلى منّـه هوانـي هوانـي لفيّت هالدنيـا ولا شفـت خـلان شفت البشر نوعين قاسي وأنانـي عادي تشوف الظلم فعيون الأخوان عادي تمدّ العون وتصيـر جانـي اللي جهل فالدين كاسيه الإيمـان واللي يعرف الدين يسمع أغانـي عادي يجيك إنسان محتاج لإحسان وتصدّ عنه وتـدري إنّـه يعانـي هذا زمنّا غير عن كـل الأزمـان ماعاد فيه أحباب قاصـي ودانـي ومادام قلبي صار موطن للأحزان وشلون ابفرح والحزن مانسانـي 8 7 8 7 8 [عزيزي الزائر يتوجب عليك التسجيل للمشاهدة الرابطللتسجيل اضغط هنا] عدّى شهر من بعـد ليلـة غيابـك ولالقيـت لغيبتـك أي تفسـيـر من هو مزعّل بس حضـرة جنابـك إن كان أنا 00 جمّعت كل المعاذيـر خذي معاذيـري وهاتـي عتابـك مع إنّ منّـي ماحصـل أي تقصيـر خليّني أبكي بس عيشـي شبابـك خليّني أبكي دمّ عادي وش يصيـر ؟ أصلاً أنـا حزنـي وهمّـي تشابـك والدمع والطعنات صـاروا مساييـر وإذا الفرح جا قلت له ويش جابك ؟ خلّك مع اللي غاب من دون تبريـر مانيب قايل للفـرح ياهـلا بـك لاجا يباغت وحدتي قلت له خير ؟؟ لي يالفرح لاعاد تحسـب حسابـك حزنـي مخاوينـي بكـل المشاويـر حبيبتي00 وقّفت أنا عنـد بابـك كلي أمل واقـف بوجـه المقاديـر مشتاق لك 00 مشتاق حتى لعذابك ياللي وصالك غير ومفارقـك غيـر عدّى شهر من بعـد ليلـة غيابـك ولا لقيـت لغيبتـك أيّ تفسـيـر 8 7 8 7 8 ولي عوده باذن الله
|
||||||||||
|
|
|
«
ديوان الشاعر تركي الميزاني (( متجدد ))
|
آول ديوآن رسمي لمشرفتنآ وشآعرتنآ : ~ نزفــــ ــآلقصيد ~
»
| مواقع النشر (المفضلة) |
| الكلمات الدلالية (Tags) |
| الرويس, الشاعر, ديوان, عبدالرحمن |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ديوان الشاعر تركي الميزاني (( متجدد )) | صقر | ● دواوين الشعراء ~ | 5 | 11-05-2009 05:00 PM |
| ديوان الشاعر محمد جار الله السهلي ( متجدد ) | صقر | ● دواوين الشعراء ~ | 1 | 08-07-2009 08:35 AM |
| ديوان الشاعر سعد علوش ( متجدد ) | سامي | ● دواوين الشعراء ~ | 9 | 07-17-2009 12:58 PM |
| ديوان الشاعر حامد زيد ( متجدد ) | سامي | ● دواوين الشعراء ~ | 11 | 07-17-2009 09:35 AM |
الساعة الآن 02:56 PM.
اهلا ومرحبا بك
اهلا ومرحبا بك عزيزي الزائر الكريم ، نتمنى لك اسعد الاوقات
حقوق المصمم
روابط تهمك
فساتين
